डेस्क – कास्की – पुस २२ २०७८ – प्रदेशमा थप २२ जनामा कोरोना भाइरस संक्रमण पुष्टि भएको छ । पछिल्लो २४ घण्टामा २०७ जनामा गरिएको परीक्षणमा २२ जनामा संक्रमण पुष्टि भएको हो । संक्रमित हुनेमा कास्कीका १३, म्याग्दीका १, पर्वतका १, बागलुङका २, स्याङ्जाका ३ र नवलपरासी पूर्वमा २ जना रहेका प्रदेश स्वास्थ्य निर्देशनालय गण्डकीले जनाएको छ ।
योसँगै प्रदेशमा कोरोना संक्रमित हुनेको संख्या ८८ हजार ५२२ पुगेको छ । प्रदेशमा कोरोना संक्रमणका कारण ज्यान गुमाउनेको संख्या १ हजार ४ सय २७ रहेकोे छ । गण्डकीमा पछिल्लो चौबिस घण्टामा थप ७ जना संक्रमणमुक्त भएका छन् । प्रदेशमा हालसम्म संक्रमणमुक्त हुनेको संख्या ८६ हजार ९२६ पुगेको छ ।
प्रदेशमा हालसम्म ३ लाख ५७ हजार १९ जनाको परीक्षण भएको छ । हाल प्रदेशमा १६९ सक्रिय संक्रमित रहेका छन् । तीमध्ये १४८ जना होम आइसोलेसनमा रहेको निर्देशनालयले जनाएको छ ।
